Children Bible Study Books

Bible Story Lessons & Study Guide for Children

Series 1: Fruit of the Spirit

Our Bible study guide for children is here! Fruit of the Spirit is the first in a series of Sunday School Lessons for children.

This book is also available in Afrikaans.

The theme is enforced with relevant Bible stories in 20 lessons over 90 pages with full colour illustrations, space for notes and an activity after each lesson. To encourage them further, we have a certificate of completion at the end.

Josef as Tipe van Die Here Jesus

Ons kan baie van wat in die eindtyd gaan gebeur aflei deur na die geskiedenis van Josef te kyk en dit te vergelyk met wat met die Here Jesus gebeur het. Josef word beskou as ‘n tipe van die Here Jesus en baie van wat met hom gebeur het was profeties oor  die lyde van die Here Jesus.

In plaas van om lang verduidelikings hieroor te gee gaan ek net die betrokke skrifte wat oor hulle twee lewens gaan aan te haal.

God het ingegryp om sy geboorte te bewerkstelling

Gen 30:22 En God het aan Ragel gedink, en God het haar verhoor en haar skoot geopen.

Matt 1:20 want wat in haar verwek is, is uit die Heilige Gees;

Lofsang op die Genade van God

Mense (veral in die wêreld maar ook onder bekeerdes) dink dat as hulle iets verkeerd doen gaan God hulle straf.  Niks kan verder van die waarheid af wees nie.

Die Bybel ondersteun wel die gedagte van vergewing en straf in Gen 34:7 .. wat die goedertierenheid bewaar vir duisende, wat ongeregtigheid en oortreding en sonde vergewe, maar nooit ongestraf laat bly nie; wat die ongeregtigheid van die vaders besoek aan die kinders en aan die kindskinders, aan die derde en aan die vierde geslag.

'n Mens moet hierdie skrif in konteks sien van die wet wat geheers het in die ou testament. Daar is in die nuwe testament nie sprake van straf vir mense weens hulle ouers se oortredinge nie.

Die belofte moet eers sterf

Ons ken die beloftes van die Here en weet dat dit ja en amen is, maar ons kom tog keer op keer op 'n plek waar ons voel dat die Here ons in die steek gelaat het en nie sy belofte aan ons vervul nie. Ons raak dan soms mismoedig en selfs kwaad vir die Here.

As ons egter oor die saak nadink, sal ons vind dat die Here ons nie in die steek gelaat het nie, maar dat ons die belofte verkeerd verstaan het (sy weë is nie ons weë nie) , of the tyd vir die vervulling van die belofte misgetas het (Pred. 3:1  Alles het sy bepaalde uur, en vir elke saak onder die hemel is daar ‘n tyd) of dat die belofte nie eers gesterf het nie.

Dit is oor die laaste rede wat ek hier wil praat.

Die Wet en die Heilige Gees

Een van die oudste sluiers wat die vyand ons mee bind is die wet, omdat ons so gewoond is aan wette en die Bybel ook vol is van wette. Ons voel dat ons darem aan die regte kant van die wet is, dan is ons OK.

Die skrif sê in Gal 2:21 – Want as daar geregtigheid deur die wet is, dan het Chrtistus verniet gesterwe.

Rom 7: 6 - Maar nou is ons ontslae van die wet waardeur ons gebonde was, aangesien ons dit afgesterf het, sodat ons dien in die nuwigheid van die Gees en nie in die oudheid van die letter nie.

Gal 5:18 sê die skrif Maar as julle deur die Gees gelei word, dan is julle nie onder die wet nie.

Die wet is volmaak, maar dit het skeiding en vyandskap tussen God en die mens gebring wat die Here Jesus deur sy dood moes afbreek.

My krag word in Swakheid volbring

Ons spartel meer as een dag in ons eie krag rond om dinge vir onsself en vir die Here te doen en meeste van die tyd vermag ons niks nie, omdat ons nie opmerk dat die Here ons eie planne en krag weerstaan sodat Hy sy planne en krag in ons kan volbring.

Die opskrif kom vanaf Joh. 3:30.. Hy moet meer word, maar ek minder.

Die here kyk nie na ons bekwaamhede en besittings nie – hy wil ons gebruik soos ons is. Hoe swakker ons in onsself is, hoe beter kan Hy ons gebruik en daarom moet Hy ons in ‘n sekere sin eers afbreek om ons diensbaar te maak.

Die voorbeelde wat ons in die skrif kry om hierdie stelling te staaf is menigvuldig en ek haal ‘n paar aan om dit te illustreer.

Die Koningkryk van God

In die begin het God die Hemel en aarde gemaak – hoe ? Hoë energie lig is soo vogtige lug wat wolke vorm as dit afkoel ens. Lig is die sewe geeste van God en God is lig. Openb 5:6

God het heerskappy op die aarde verloor deur die slang in die paradys en deur sonde in die mens. Die Duiwel wou soos God wees en is van die godeheuwel afgegooi – net so het hy die mens aangehits om soos God te wees (Gen 3:5 maar God weet dat as julle daarvan eet, julle oë sal oopgaan, sodat julle soos God sal wees deur goed en kwaad te ken.) en die mens is uit die godeland verban.

Lofsang op die Lydensweg

Ek wil vandag 'n lofsang aanhef oor die lydensweg. Sommige van u mag dink dat dit nie 'n onderwerp is waaroor mens 'n lofsang kan aanhef nie, maar as u lank daaroor gaan nadink, dan sal u vind dat dit een van die kosbaarste elemente van u geestelike lewe moet wees.

As die Here die gawe van Genade aan ons gee, dink u Hy gee ons iets wat ons nie nodig het nie. Nee, Hy gee dit sodat ons met sy genade die lydensweg kan volg.

Die Smaad van Christus

Hebr 13:12 Daarom het Jesus ook, om die volk deur sy eie bloed te heilig, buitekant die poort gely. 13 Laat ons dan uitgaan na Hom toe buitekant die laer en sy smaad dra.

Die Here Jesus het as teken van die liefde van die Vader ons smaad gedra : Rom 15:3 Want ook Christus het Homself nie behaag nie, maar soos geskrywe is: Die smaadhede van die wat U smaad, het op My geval.

As ons dan ons liefde aan die Vader wil betoon behoort ons ook Sy smaad te dra.

Die kenmerke van sy smaad is :

Lofsang op Liefde

Toe ek hierdie getuienis vir die eerste maal gegee het het die verantwoordelike broer gesê hy het gebid dat die Here my oortuig om oor sy liefde te praat. Ek het toe 'n droomgesig gehad waarin die Here vir my sê dat Hy die mensdom so lief het dat toe die here Jesus gebore is het hy niks uitrewy oor sy wonderlike gearrdheid en dade nie maar die engelekoor in die veld het gesing - Vrede op aarde en in die mense 'n welbehae - (en dit terwyl ons Hom nog vyandiggesind was.) Die engele sing - in die mense 'n welbehae - bekeerdes on onbekeerdes.

Die Bruilof van die Lam

Dis aan almal bekend dat die profesie in die Bybel wys op die week van die voorbereiding van die bruid en die bruilofsweek waartydens die Here Jesus met sy bruid die bruilof van die Lam gaan trou.

Om net weer terug te keer na die eerste week :

In Joh. 11:1 het ek reeds daarop gewys dat Lasarus ‘n tipe is van die opstanding van die dode. Hy was 4 dae in die graf voordat hy uit die dood opgewek is. Dit staan vir die 4 000 jaar vanaf die geboorte van Adam tot op die dood van die Here Jesus. Die Here Jesus het die dooies in die doderyk opgewek met sy besoek aan die doderyk : Hef op julle hoofde o poorte.

Die Belofte en die Lydsaamheid

Ek het alreeds geskryf oor hoe ons op die Here moet wag. As ons dit verstaan en beoefen, is die volgende stap om die lydsaamheid deelagtig te word – naamlik om gewoond daaraan te word om op die Here te wag.

Die skrif sê in Hebr. 10:36 Want julle het lydsaamheid nodig, om, (nadat julle die wil van God gedoen het) die belofte te verkry.

Die Here gee ons baie beloftes en ons moet verstaan dat ‘n belofte nie ‘n gawe is nie, dis slegs ‘n belofte van ‘n gawe, en as dit nie ‘n gawe is nie, gaan ons dit nie dadelik kry nie. Soos ek dus ‘n belofte verstaan is dit ‘n manier om my lydsaamheid te leer of selfs om my te toets of om ‘n prys van my te verlang.

Genade onbeskryflik groot

Ek wil graag ‘n loflied aanhef oor die onbeskryklike groot genade wat ons deel geword het deur die redding van ons siele.

Die skrif sê : Efes 2:8 Want uit genade is julle gered, deur die geloof, en dit nie uit julleself nie: dit is die gawe van God;

1 Joh 3:1 KYK wat ’n groot liefde die Vader aan ons bewys het, dat ons kinders van God genoem kan word! Ons het dus deur ons wil aan die Here oor te gee onbeskryflik baie ontvang – dink daaraan, die redding van ons siele, die gemeenskap met die Vader en sy seun, ‘n erfporsie wat nie oortref kan word nie en die voorreg om kinders van die Allerhoogste te wee. En by dit alles nog bewaring teen die wêreld se smart en ellende. Dink aan die alkoholisme, verdowingsmiddels, beheptheid met mag en geld, redeloosheid, gierigheid. – dit alles bewaar die Here ons van.

Guns en Genade

Ek het die afgelope 4 getuienisse gepraat oor vriendskap met die Here en hoe meer ek daaroor dink hoe meer besef ek die seëninge van vriendskap met Hom.

Genade is ‘n uitkoms uit benoudheid en guns is ‘n geskenk onverdiend en onverwags. Spr. 22:1  ‘n Naam is verkiesliker as groot rykdom, guns beter as silwer en as goud.

 As ek genade in die skrif beskou dan sien ek dit word hoofsaaklik aan sondaars bewys en guns word aan vriende bewys – en ons ken dit ook so in ons daaglikse lewe. Ek wil dus poog om guns van die Here en van mense te ontvang en daarom moet ek guns aan die Here en aan mense bewys.

Drie Stappe na die hel

 In Psalm 1 verskyn die sleutel tot ons insig in die proses wat ons probeer hel toe sleep.

Hy wat wandel in die raad van die goddelose (dit is om die weg van Kain te bewandel) – m.a.w. wat nie die Here se raad aannem nie.

Hy wat staan op die weg van die sondaars – m.a.w. nie die weg van die here bewandel nie.

Sit in die kring van die spotters – m.a.w. nie die gemeenskap van die heiliges soek nie.

Daar was drie stappe.

Vrye Wil en Keuse

Ek het lank geneem om die omvang van vrye wil te verstaan. Ek het gedink dat God die Vader my net as pion gebruik om sy wil uit te voer en dat ek dus uiteindelik niks as ‘n pion in sy hande is nie.

Dit is verkeerd en as mens as volg daaraan dink is dit maklik om te verstaan:

God die Vader kan nie foute maak nie, maar ek as mens kan foute maak. As ek dus foute maak, maak ek dit uit eie vrye wil en nie as ‘n instrument of pion wat deur die Vader rondgeskuif word na sy wil nie.

Die Hart van die Mens

Die Here sê vir u en my in Pred. 23:26 My seun, gee my jou hart” Is dit ‘n kosbare of groot ding wat Hy van ons verlang ?

Wat is die hart :

Dit is ons hele wese

Dit is die slagveld van ons siele

Dit is die oorsprong van die sonde – want ons sondig na gedagtes woorde en werke

Dit is die oorsprong van die lewe. Spreuke 4:23 Bewaak jou hart meer as alles wat bewaar moet word, want daaruit is die oorspronge van die lewe.

Gehoorsaamheid

Een van die belangrikste faktore wat ons geestelike lewe beinvloed is gehoorsaamheid en ongehoorsaamheid kan ons baie duur te staan. Die Here verwag van ons absolute gehoorsaamheid en Hy verwag selfs gehoorsaamheid van die winde en die see. Hy verwag ook dat die volke aan Hom gehoorsaam sal wees : Gen 49:10 .. totdat Silo kom en aan Hom sal die volke gehoorsaam wees.

Deur ongehoorsaamheid het die volgense mense baie skade gelei:

- Adam en Eva : Gen 3:17 .. Omdat jy geluister het na die stem van jou vrou .. (en nie na my gebod nie) .. vervloek is die aarde om jou ontwil.

- Saul : 1 Sam 15:23 Omdat jy die woord van die Here verwerp het , het Hy jou as koning verwerp.

- Ongehoorsame profeet : 1 Kon 13:21 Omdat jy wederstrewig was teen die mond van die Here, maar omgedraai en brood geeet het .. sal jy nie in die graf van jou vaders kom nie .. toe kom ‘n leeu hom teë op die pad en maak hom dood.

- Israel : Jos 5:6 .. wat nie aan die stem van die Here gehoorsaam was nie; vir wie die Here gesweer het dat hy hulle die land nie sou laat sien wat Hy hulle vaders met ‘n eed beloof het nie.

Die Eenvoud van die Evangelie

Een van die  aspekte wat my ons Kerk toe getrek het was die eenvoud van die evangelie. Toe die Here my siel gered het, het ek by baie kerke, predikers en ander mense hul weergawe van die evangelie gehoor en was dit naderhand vir my so kompleks dat ek in verwarring gekom het. Wat my nog meer gehinder het was dat ek nie teenoor ander mense kon getuig nie want ek was nie in staat om so komlekse evangelie te verstaan en oor te dra nie.

Toe ek in nuut in die Kerk ingekom het,  het ek dus verwag wat Naaman verwag het in 2 Kon 5;11 .. “Naaman het gedink Elisa sal sekerlik na hom uitkom en staan en die naam van die Here sy God aanroep en sy hand oor die plek heen en weer beweeg en die melaatsheid wegneem. Is Abana en Farpar, die riviere van Damaskus , nie beter as al die waters van Israel nie. Kon ek my nie daarin was en rein word nie.

Die Tyd van die Here

Een van die moeilikste dinge in ons geestelike loopbaan is om die regte tyd aan te gryp om ‘n opdrag van die Here uit te voer, of om te besef wanneer die Here se beloftes aan ons in werking tree. Die duiwel staan altyd reg om ons te verwar en te besluier om nie die regte tyd van die Here aan te gryp nie.

Die Here het ‘n bepaalde tyd vir elke saak.